Ripple នឹងបើកដំណើរការ stablecoin ដើម្បីប្រកួតជាមួយ USDT និង USDC

Ripple ដែលជារូបិយប័ណ្ណគ្រីបតូដ៏លេចធ្លោមួយនឹងឈាមជើងចូលទីផ្សារកាក់ស្ថិរភាពដែលមានតម្លៃ $150 ពាន់លានដុល្លារដែលភ្ជាប់ទៅនឹងប្រាក់ដុល្លារអាមេរិក។ Stablecoin នេះនឹងរក្សាតម្លៃ $1 ទល់ $1 (1-to-1) ជាមួយនឹងទ្រព្យសកម្មដូចជាប្រាក់បញ្ញើជាដុល្លារអាមេរិក មូលបត្របំណុលរដ្ឋាភិបាល និងសាច់ប្រាក់ដែលទាំងអស់នេះត្រូវបានរក្សានៅក្នុងទុនបម្រុងដោយ Ripple ។

ក្រុមហ៊ុននេះប្តេជ្ញាផ្តល់របាយការណ៍ប្រចាំខែប្រកបដោយតម្លាភាពលើទុនបម្រុងរបស់ខ្លួន ទោះបីជាខ្លួនមិនបានបង្ហាញពីក្រុមហ៊ុនសវនកម្មរបស់ខ្លួនក៏ដោយ។ ការបើកដំណើរការដំបូងនៅសហរដ្ឋអាមេរិក Ripple នឹងពិចារណាពង្រីកការផ្តល់របស់ខ្លួនទៅកាន់តំបន់ផ្សេងទៀតដូចជាអឺរ៉ុប និងអាស៊ី។

ការផ្លាស់ប្តូរនេះធ្វើឱ្យ Ripple ជាដៃគូប្រកួតប្រជែងជាមួយនឹងកាក់ស្ថេរភាពកំពូលៗដូចជា USDT (Tether) និង USDC (Circle) ។ Paypal ក៏បានចូលក្នុងទីផ្សារកាក់ស្ថេរភាពនាពេលថ្មីៗនេះផងដែរជាមួយនឹង stablecoin របស់ខ្លួនគឺ PayPal USD ដែលសហការជាមួយ Paxos ។ នាយកប្រតិបត្តិក្រុមហ៊ុន Ripple លោក Brad Garlinghouse នៅតែមានសុទិដ្ឋិនិយមដោយសង្កត់ធ្ងន់លើការវិវត្តនៃទីផ្សារនេះ។

ការសម្រេចចិត្តក្នុងការបើកដំណើរការ stablecoin កើតចេញពីការព្រួយបារម្ភលើស្ថិរភាពរបស់ដៃគូប្រកួតប្រជែង Tether និង Circle ដែលធ្លាប់ធ្លាក់ក្រោម $1 ក្នុងឆ្នាំ 2022 សម្រាប់កាក់ USDT ហើយ USDC ក៏បានធ្លាក់ក្រោម $1 ក្នុងឆ្នាំ 2023 ជាបណ្ដោះអាសន្នផងដែរ។ អ្នករិះគន់បានលើកឡើងពីការព្រួយបារម្ភអំពីតម្លាភាព និងការគាំទ្រនៃទុនបម្រុងរបស់ Tether ដែលផ្ទុយពីការប្តេជ្ញាចិត្តរបស់ Ripple ចំពោះការអនុលោមតាមច្បាប់ និងតម្លាភាព។