ប្រភេទនៃការវិនិយោគភាគហ៊ុនអាមេរិក

អ្នកវិនិយោគដែលចង់បង្កើនប្រាក់ចំណេញត្រូវចងចាំថា វាមិនអាចទៅរួចទេក្នុងការជៀសវាងហានិភ័យទាំងស្រុងពេលកំពុងវិនិយោគ។ ជាទូទៅ S&P 500 ជួបប្រទះនឹងការធ្លាក់ចុះ 20% រៀងរាល់ 4 ឆ្នាំម្តង។

យុទ្ធសាស្ត្រវិនិយោគតែមួយគត់សម្រាប់អ្នកវិនិយោគគ្រប់រូបគឺមិនមានឡើយ ប៉ុន្តែគោលបំណងរបស់ CamAusLife Academy គឺដើម្បីជួយអ្នកវិនិយោគម្នាក់ៗបង្កើតផលប័ត្រដែលត្រឹមត្រូវសម្រាប់ពួកគេ។ ខាងក្រោមនេះ អ្នកនឹងស្វែងយល់ពីប្រភេទនៃការវិនិយោគភាគហ៊ុនអាមេរិក៖

ប្រភេទនៃការវិនិយោគ

1. ភាគហ៊ុនប្រភេទ Aggressive

ភាគហ៊ុនទាំងនេះអាចផ្តល់ផលចំណេញច្រើន ប៉ុន្តែក៏មកជាមួយនឹងហានិភ័យខ្ពស់ និងការប្រែប្រួលតម្លៃផងដែរ។ វាជារឿងធម្មតាទេសម្រាប់ភាគហ៊ុនប្រភេទ Aggressive ធ្លាក់ចុះ 30% ឬច្រើនជាងនេះ ដូច្នេះអ្នកត្រូវផ្តោតលើការវិនិយោគរយៈពេលវែងជាជាងការប្រែប្រួលក្នុងរយៈពេលខ្លី។

លក្ខណៈទូទៅនៃភាគហ៊ុន Aggressive ៖

• ជាធម្មតា ក្រុមហ៊ុនខ្នាតតូចដល់ខ្នាតមធ្យមដែលមានប្រាក់ចំណូលកើនឡើងយ៉ាងឆាប់រហ័ស
• ក្រុមហ៊ុនដែលណែនាំបច្ចេកវិទ្យា ឬគំនិតថ្មីៗ និងយកឈ្នះដៃគូប្រកួតប្រជែងដើម្បីចាប់យកឱកាសទីផ្សារធំ
• ប្រហែលជាមិនទាន់បង្កើតប្រាក់ចំណូលវិជ្ជមាន ឬលំហូរសាច់ប្រាក់ជាប់លាប់នៅឡើយ

2. ភាគហ៊ុនប្រភេទមធ្យម (Moderate)

ភាគហ៊ុនទាំងនេះអាចផ្តល់នូវប្រាក់ចំណេញមួយចំនួនដែលអាចជួយការពារផលប័ត្ររបស់អ្នកពីការខាតបង់ក្នុងរយៈពេលខ្លី។ ពួកវាប្រហែលជាមិនស្ថិតនៅជួរមុខនៃឧស្សាហកម្មរបស់ខ្លួនឡើយ ប៉ុន្តែក្រុមហ៊ុនទាំងអស់នេះនឹងទទួលជោគជ័យក្នុងរយៈពេលវែង។

លក្ខណៈទូទៅនៃភាគហ៊ុន Moderate ៖

• ជាធម្មតា ក្រុមហ៊ុនខ្នាតមធ្យមដល់ខ្នាតធំដែលមានអាជីវកម្មរឹងមាំ ហើយនៅមានកន្លែងច្រើនសម្រាប់ការលូតលាស់
• ជាទូទៅ បន្តបង្កើនប្រាក់ចំណេញ
• មានសក្តានុពលក្នុងការក្លាយជាក្រុមហ៊ុនឈានមុខគេ

3. ភាគហ៊ុនប្រភេទ Cautious

ភាគហ៊ុនទាំងនេះបង្ហាញពីលទ្ធផលអាជីវកម្មដែលអាចប៉ានស្មាន និងអាចទុកចិត្តបាន តែជាធម្មតាវាមិនផ្តល់ផលចំណេញច្រើននោះទេ។ វាល្អសម្រាប់ការរក្សាដើមទុនវិនិយោគ និងការបង្កើតប្រាក់ចំណូលដែលធ្វើឱ្យភាគហ៊ុនប្រភេទនេះមានតម្លៃនៅក្នុងផលប័ត្ររបស់អ្នក។

លក្ខណៈទូទៅនៃភាគហ៊ុន Cautious ៖

• ជាធម្មតា ក្រុមហ៊ុនខ្នាតមធ្យមដល់ធំដែលមានគុណសម្បត្តិប្រកួតប្រជែងខ្ពស់
• តារាងតុល្យការរឹងមាំ ប្រាក់ចំណូលល្អ និងការបង្កើតលំហូរសាច់ប្រាក់ដ៏រឹងមាំ
• ទំនងជាផ្តល់រង្វាន់ដល់ម្ចាស់ភាគហ៊ុនជាមួយនឹងភាគលាភ

ភាគហ៊ុន 10 ដែលអ្នកអាចទិញពេលនេះ

របៀបប្រើប្រាស់ប្រភេទវិនិយោគ