Biden អាចទទួលយកការបរិច្ចាគតាមរយៈ Crypto
យុទ្ធនាការបោះឆ្នោតរបស់ប្រធានាធិបតី Biden អាចនឹងចាប់ផ្តើមទទួលយក Bitcoin និង crypto ផ្សេងទៀតសម្រាប់ការបរិច្ចាគ បន្ទាប់ពីការដឹកនាំរបស់លោក Trump ក្នុងការអនុញ្ញាតឱ្យមានការទទួលយក Bitcoin ជាការបរិច្ចាគសម្រាប់យុទ្ធនាការរបស់គាត់។
ប្រភពអះអាងថា ក្រុមរបស់លោក Biden កំពុងពិភាក្សាអំពីការទទួលយកការបរិច្ចាគជារូបិយប័ណ្ណគ្រីបតូតាមរយៈ Coinbase Commerce ។ សេវាកម្មបង់ប្រាក់នេះកំពុងត្រូវបានប្រើប្រាស់ដោយយុទ្ធនាការរបស់ Trump។
ការផ្សព្វផ្សាយរបស់យុទ្ធនាការ Biden ត្រូវបានគេរាយការណ៍ថាជាកិច្ចខិតខំប្រឹងប្រែងដើម្បីទាក់ទាញអ្នកបោះឆ្នោតដែលចាប់អារម្មណ៍លើ Bitcoin នៅមុនការបោះឆ្នោតឆ្នាំ 2024 ដែលមានការប្រកួតប្រជែងយ៉ាងក្តៅគគុក។
មនុស្សមួយចំនួននៅក្នុងឧស្សាហកម្មនេះបានរិះគន់ការផ្លាស់ប្តូរនេះដោយនិយាយថាវាជាការលាក់ពុតដោយសារតែកន្លងមករដ្ឋបាល Biden មិនពេញចិត្តនឹងឧស្សាហកម្ម crypto ។
មហាសេដ្ឋី Mark Cuban បានលើកឡើងថាការព្រងើយកណ្តើយរបស់ Biden ចំពោះរូបិយបណ្ណគ្រីបតូអាចប្រគល់តំណែងប្រធានាធិបតីដល់លោក Trump បាន។ ការស្ទង់មតិថ្មីៗនេះផ្តល់ឱ្យ Trump នាំមុខក្នុងចំណោមអ្នកទិញគ្រីបតូ។
ប្រភពបានលើកឡើងពីកិច្ចពិភាក្សាកំពុងស្ថិតក្នុងដំណាក់កាលដំបូងនៅឡើយនៅពេលដែលលោក Biden កំពុងវាស់ស្ទង់ទិដ្ឋភាព Bitcoin និង crypto ។
