5 ភាគហ៊ុនដែលអ្នកត្រូវតាមដានក្នុងខែនេះ

នៅក្នុងខែវិច្ឆិកា តម្លៃភាគហ៊ុនបានកើនឡើងដល់កម្រិតខ្ពស់ថ្មី៖

• S&P 500 បានកើនឡើង 5.7%
• Dow Jones បានកើនឡើង 7.5%
• Nasdaq បានឡើង 6.2% ផងដែរ

ការកើនឡើងនេះភាគច្រើនដោយសារតែអ្នកវិនិយោគរំពឹងថានៅក្រោមការដឹកនាំរបស់ Trump សេដ្ឋកិច្ចនឹងកើនឡើងលឿនជាងមុន ហើយពន្ធនឹងទាបជាងមុន។

ភាគហ៊ុនដែលអ្នកត្រូវមើលក្នុងខែធ្នូ

នៅខែនេះ អ្នកវិនិយោគនឹងបន្តតាមដានសេដ្ឋកិច្ច អតិផរណា និងទីផ្សារការងារ។ ធនាគារកណ្តាលអាមេរិកនឹងសម្រេចលើអត្រាការប្រាក់នៅថ្ងៃទី 18 ខែធ្នូ។ អ្នកវិភាគជាច្រើនគិតថាអត្រាការប្រាក់អាចត្រូវបានកាត់បន្ថយបន្តិចបន្តួច ប៉ុន្តែធនាគារកណ្តាលធ្លាប់បាននិយាយថាខ្លួនមិនប្រញាប់ធ្វើរឿងនេះនៅឡើយទេ។

Tesla (TSLA)

Tesla ជាក្រុមហ៊ុនផលិតរថយន្តអគ្គិសនី។ ចាប់តាំងពី Trump ជាប់ឆ្នោតឡើងវិញ តម្លៃភាគហ៊ុនរបស់ក្រុមហ៊ុន Tesla បានឡើងដល់ 40% ។ នេះបានធ្វើឱ្យក្រុមហ៊ុននេះមានតម្លៃជាង $1 ពាន់ពាន់លានដុល្លារ។ ថៅកែរបស់ Tesla គឺ Elon Musk បានចំណាយប្រាក់យ៉ាងច្រើនលើយុទ្ធនាការរបស់ Trump ។

អ្នកវិនិយោគគិតថា Musk អាចមានឥទ្ធិពលលើគោលនយោបាយរបស់ Trump ដូចជាការធ្វើឱ្យរថយន្តអគ្គិសនីមានតម្លៃថោក ឬជួយ Tesla ជៀសវាងពន្ធលើផលិតផលពីប្រទេសចិន។ Tesla ក៏ចង់បើកដំណើរការ robotaxis ដែលអាចទទួលបានអត្ថប្រយោជន៍ពីច្បាប់ថ្មីសម្រាប់រថយន្តដែលបើកបរដោយខ្លួនឯងផងដែរ។

Salesforce (CRM)

Salesforce គឺជាក្រុមហ៊ុន software ដែល​កំពុង​រីក​ចម្រើន​យ៉ាង​ឆាប់​រហ័សពីការប្រើ​ប្រាស់​បច្ចេកវិទ្យា​ថ្មី​គឺ Artificial Intelligence (AI)។ ក្រុមហ៊ុននេះបានបង្កើតឧបករណ៍ AI ថ្មីមួយដែលមានឈ្មោះថា Agentforce ដែលសង្ឃឹមថានឹងមានការប្រើប្រាស់មួយពាន់លានដងនៅចុងឆ្នាំ 2025 ។ ភាគហ៊ុនរបស់ Salesforce បានកើនឡើង 25% ក្នុងឆ្នាំ 2024 ហើយស្ទើរតែកើនឡើងទ្វេដងកាលពីឆ្នាំមុន។ អ្នកជំនាញភាគច្រើននិយាយថា Salesforce គឺជាការវិនិយោគដ៏ល្អ។

Honeywell (HON)

Honeywell គឺជាក្រុមហ៊ុនដ៏ធំមួយដែលផលិតផលិតផលឧស្សាហកម្ម។ តម្លៃភាគហ៊ុនបានកើនឡើង 14% នៅក្នុងខែវិច្ឆិកា បន្ទាប់ពី Elliott Investment Management បានទិញភាគហ៊ុនរបស់ក្រុមហ៊ុននេះក្នុងទឹកប្រាក់ $5 ពាន់លានដុល្លារ ។ 

Elliott ចង់បំបែក Honeywell ជាពីរក្រុមហ៊ុន មួយគឺសម្រាប់អាកាសចរណ៍ និងមួយទៀតសម្រាប់ស្វ័យប្រវត្តិកម្ម។ យុទ្ធសាស្ត្របំបែកនេះបានដំណើរការយ៉ាងល្អសម្រាប់ក្រុមហ៊ុនផ្សេងទៀតដូចជា General Electric និង 3M ។

MicroStrategy (MSTR)

MicroStrategy គឺជាក្រុមហ៊ុន software ដែលបានវិនិយោគប្រាក់យ៉ាងច្រើនលើ Bitcoin ។ ចាប់តាំងពីការជាប់ឆ្នោតឡើងវិញរបស់ Trump តម្លៃរបស់ Bitcoin បានកើនឡើងខ្ពស់ដែលធ្វើឲ្យភាគហ៊ុនរបស់ MicroStrategy ក៏កើនឡើងច្រើនផងដែរ។ ក្រុមហ៊ុននេះមាន Bitcoin ច្រើនជាង 386,000 ក្នុងដៃដែលគិតជាទឹកប្រាក់គឺលើសពី $37 ពាន់លានដុល្លារ។ ការបន្តគាំទ្ររូបិយប័ណ្ណគ្រីបតូរបស់ Trump អាចជួយយ៉ាងច្រើនដល់ក្រុមហ៊ុន MicroStrategy ។