Bitcoin មានអ្វីអស្ចារ្យ

Bitcoin ទើបតែមានអាយុជាង 10 ឆ្នាំតែប៉ុណ្ណោះ ប៉ុន្តែវាបានជះឥទ្ធិពលយ៉ាងខ្លាំងលើពិភពលោករួចទៅហើយ។ មនុស្សជាច្រើនជឿថា Bitcoin គឺជាអនាគតនៃលុយ។ អ្នកផ្សេងទៀតអះអាងថា Bitcoin គ្រាន់តែជា “លុយអ៊ីនធឺណេតវេទមន្ត” ដែលមិនមានតម្លៃ។ ទោះបីជាយ៉ាងនេះក្តី Bitcoin នៅតែបន្តរីកចម្រើន។ តើ Bitcoin គឺជាអ្វីឲ្យពិតប្រាកដ?

តើ Bitcoin ជាអ្វី?

Bitcoin គឺជារូបិយប័ណ្ណឌីជីថលវិមជ្ឈការ peer-to-peer ដែលជារូបិយប័ណ្ណដំបូងគេនៅលើពិភពលោក។ នេះមានន័យថារាល់ប្រតិបត្តិការទាំងអស់របស់ Bitcoin កើតឡើងរវាងអ្នកចូលរួមលើបណ្តាញដោយមិនចាំបាច់មានអាជ្ញាធរកណ្តាលដូចជាធនាគារកណ្តាលនោះទេ។ នេះអាចធ្វើទៅបានដោយប្រើបច្ចេកវិទ្យាបដិវត្តន៍ blockchain ដែលត្រូវបានណែនាំដោយ Bitcoin ។

ខណៈពេលដែល Bitcoin គឺជារូបិយប័ណ្ណគ្រីបតូដំបូងគេ នេះមានន័យថាមិនមែនមានតែវាមួយនោះទេ។ ប្រជាប្រិយភាព និងភាពជោគជ័យរបស់វាបានត្រួសត្រាយផ្លូវសម្រាប់រូបិយប័ណ្ណគ្រីបតូរាប់ពាន់ផ្សេងទៀត ឬ ‘altcoins’ ។

តើអ្នកអាចប្រើ Bitcoin សម្រាប់អ្វី?

Bitcoin មានការប្រើប្រាស់ជាច្រើនដូចគ្នានឹងរូបិយប័ណ្ណ fiat ដែរ ដូច្នេះអ្នកអាចប្រើ Bitcoin របស់អ្នកជាមធ្យោបាយក្នុងការទិញទំនិញដូចជា កាហ្វេ ឬរថយន្ត នៅពេលអ្នកលក់ព្រមទទួលយក Bitcoin ជាការទូទាត់។ ការប្រើប្រាស់ទូទៅមួយផ្សេងទៀតរបស់ Bitcoin គឺវាជាឃ្លាំងនៃតម្លៃ។ មនុស្សជាច្រើនចាត់ទុក Bitcoin ជា “មាសឌីជីថល” ។

មានរឿងមួយចំនួនដែល Bitcoin ធ្វើបានល្អជាងរូបិយប័ណ្ណ fiat នោះគឺការផ្ញើ និងទទួលប្រាក់ពីក្រៅស្រុក។ តម្លៃនៃការផ្ញើប្រាក់ទៅក្រៅប្រទេសដោយប្រើ Bitcoin ច្រើនតែទាបជាងទម្រង់ផ្ញើប្រាក់ផ្សេងទៀត ហើយវាអាចធ្វើទៅបានដោយមិនចាំបាច់ឆ្លងកាត់ធនាគារ។

ដែនកំណត់មួយនៃបណ្តាញ Bitcoin គឺថាវាអាចដំណើរការបានតែ 7 ប្រតិបត្តិការក្នុងមួយវិនាទី (TPS) ។ បើប្រៀបធៀបទៅនឹងបណ្តាញទូទាត់ដែលបានបង្កើតឡើងដូចជា Visa និង Paypal វាជាឧបសគ្គដ៏ធំមួយសម្រាប់ Bitcoin ដើម្បីក្លាយជារូបិយប័ណ្ណប្រើប្រាស់ប្រចាំថ្ងៃដោយស្របច្បាប់។ បញ្ហានេះត្រូវបានដោះស្រាយដោយ Bitcoin lightning network ដែលយកប្រតិបត្តិការតូច ឬប្រតិបត្តិការញឹកញាប់មួយចំនួនចេញពី blockchain ចម្បង ហើយបញ្ជូនវាត្រឡប់មកវិញជាកញ្ចប់ទិន្នន័យមួយដែលមានប្រសិទ្ធភាព នេះអាចកាត់បន្ថយការកកស្ទះនិងបង្កើនចំនួន TPS បានយ៉ាងច្រើន។

គន្លឹះសំខាន់ៗ Key Takeaway
Bitcoin គឺជារូបិយប័ណ្ណឌីជីថលវិមជ្ឈការ។ វាអាចត្រូវបានប្រើដូចជារូបិយប័ណ្ណ fiat ដើម្បីទូទាត់ថ្លៃទំនិញ និងសេវាកម្ម។ វាក៏ត្រូវបានចាត់ទុកថាជាឃ្លាំងនៃតម្លៃ ដូចជាមាស។

អត្ថប្រយោជន៍នៃ Bitcoin

Bitcoin ផ្តល់នូវលក្ខណៈពិសេសសំខាន់ៗចំនួនបីដែលធ្វើឱ្យវាមានភាពទាក់ទាញ៖

1. វាពិបាកក្នុងការលួចកែ ព្រោះថា Bitcoin គឺជាផលិតផលរបស់អ្នកជីករ៉ែ miner រាប់ពាន់នាក់ ដែលប្រតិបត្តិការជុំវិញពិភពលោក។
2. Bitcoin បង្កើតប្រតិបត្តិការថ្មីរាល់ពេលដែលទឹកប្រាក់ផ្លាស់ទីពីអ្នកប្រើប្រាស់ម្នាក់ទៅមួយទៀត ដែលមានន័យថាពួកវាមិនអាចត្រូវបាន “ចំណាយពីរដង” ដោយអ្នកបោកប្រាស់ឡើយ។
3. ប្រតិបត្តិការរបស់ Bitcoin អាចត្រូវបានបង្កើតឡើងគ្រប់ពេលវេលា និងគ្រប់ទីកន្លែងក្នុងពិភពលោក។

ប្រជាជននៅក្នុងប្រទេសមួយចំនួនត្រូវបានដាក់កម្រិតលើរបៀបដែលពួកគេអាចទិញ និងលក់ផលិតផលនៅបរទេសដោយសារតែការកំណត់របស់ធនាគារ។ ឧទាហរណ៍ អ្នកកំពុងរស់នៅក្នុងប្រទេសអូស្ត្រាលី ហើយចង់លក់ផលិតផលមួយទៅនរណាម្នាក់ដែលរស់នៅប្រទេសអាមេរិក។ ដោយប្រើវិធីសាស្រ្តបែបបុរាណ អ្នកត្រូវបង់ថ្លៃសេវាខ្ពស់សម្រប់ការបម្លែងរូបិយប័ណ្ណ ហើយជាធម្មតាអ្នកត្រូវរង់ចាំក្នុងការទទួលបានប្រាក់របស់អ្នកផងដែរ។

Bitcoin ដោះស្រាយបញ្ហានេះដោយក្លាយជារូបិយប័ណ្ណឌីជីថលសកលដែលអាចទិញបានដោយប្រើរូបិយប័ណ្ណអូស្ត្រាលី ដុល្លារអាមេរិក អឺរ៉ូ ផោន ឬរូបិយប័ណ្ណប្រទេសផ្សេងៗទៀតតាមរយៈ Bitcoin exchanges និង brokers (ឈ្មួញកណ្តាល)។ លើសពីនេះទៅទៀត ម៉ោងបើកដំណើរការរបស់ធនាគារគឺមិនពាក់ព័ន្ធជាមួយនឹង Bitcoin នោះទេ ព្រោះលុយ Bitcoin  អាចត្រូវបានផ្ញើភ្លាមៗគ្រប់ពេលតែម្តង។