Web3 កំពុងផ្លាស់ប្តូរវិស័យកីឡា តន្ត្រី និងម៉ូត

Web3 គឺជាជំនាន់ថ្មីនៃអ៊ីនធឺណិតដែលប្រើប្រាស់បច្ចេកវិទ្យា blockchain, វិមជ្ឈការ និងការគ្រប់គ្រងទិន្នន័យអ្នកប្រើប្រាស់។ ការអនុម័តរបស់ខ្លួនបានកើនឡើងយ៉ាងឆាប់រហ័សចាប់តាំងពីឆ្នាំ 2014 មក ដោយមានមនុស្សប្រមាណ 2 ពាន់លាននាក់នឹងចំណាយពេលមួយម៉ោងក្នុងមួយថ្ងៃនៅក្នុងពិភព metaverse នៅឆ្នាំ 2026 ។

Brands និងក្រុមមើលឃើញថា Web3 ជាឱកាសមួយដើម្បីចូលរួមជាមួយអ្នកគាំទ្រ និងរកប្រាក់ពីស្នាដៃរបស់ពួកគេដោយគ្មានអន្តរការី។ Web3 ផ្តល់នូវតម្លាភាព ភាពជឿជាក់ និងភាពជាម្ចាស់ដែលមិនអាចផ្លាស់ប្តូរបានតាមរយៈ NFTs ដែលអនុញ្ញាតឱ្យម៉ាកផ្សេងៗភ្ជាប់បទពិសោធន៍ជីវិតពិត និងផលិតផលទៅនឹងទ្រព្យសម្បត្តិឌីជីថល។

តន្ត្រី ម៉ូដ និងកីឡាគឺជាឧស្សាហកម្មចំនួនបីដែលប្រើប្រាស់បច្ចេកវិទ្យា Web3 និង blockchain ។  សម្រាប់តន្ត្រី (music) Web3 ផ្តល់នូវកំណត់ត្រាកម្មសិទ្ធិយ៉ាងសុវត្ថិភាព និងការចែកចាយប្រាក់ចំណូលដោយមិនលំអៀងដល់សិល្បករ និងអ្នកបង្កើតជាមួយនឹងការគ្រប់គ្រងលើការងាររបស់ពួកគេ។ វេទិកា Web3 ជួយសម្រួលដល់ការចេញផ្សាយបទភ្លេងជា NFTs ដោយផ្តល់ឱ្យអ្នកទិញនូវភាពជាម្ចាស់ និងការគ្រប់គ្រងលើកម្មសិទ្ធិបញ្ញា។

ស្រដៀងគ្នានេះដែរ Web3 ផ្លាស់ប្តូរកីឡាដោយផ្តល់ជូននូវហ្គេមកីឡាបែបឌីជីថលតាមរយៈកាតហ្គេម (game cards) ដែលដំណើរការដោយ NFT ។ អ្នកគាំទ្រអាចបង្កើតក្រុមស្រមើស្រមៃ (fantasy) និងប្រកួតប្រជែងជាសាកលដែលជំរុញឱ្យមានការចូលរួមពីសហគមន៍។ កិច្ចសន្យាឆ្លាតវៃអាចឱ្យការលក់សំបុត្រប្រកបដោយតម្លាភាព និងកិច្ចព្រមព្រៀងឧបត្ថម្ភ។

សម្រាប់ម៉ូដ (fashion) តម្លាភាពរបស់ Web3 ជួយសម្រួលដល់គំរូអាជីវកម្មថ្មី វិធានការប្រឆាំងនឹងការក្លែងបន្លំ និងបទពិសោធន៍ផ្ទាល់ខ្លួន។ ម៉ាកយីហោប្រណីតដូចជា Louis Vuitton និង Gucci បានបញ្ចេញ NFT ដែលជាស្នាដៃសិល្បៈឌីជីថល ហើយពេលខ្លះបញ្ចេញផលិតផលពិតដូចក្នុង NFT ផងដែរ។ Web3 ក៏ដោះស្រាយតម្លាភាពនៃខ្សែសង្វាក់ផ្គត់ផ្គង់ដោយការកត់ត្រាជំហាននីមួយៗនៅលើ blockchain ដែលអាចទប់ស្កាត់ការអនុវត្តន៍ដែលមិនស្របច្បាប់។

ទោះបីជា Web3 មានសក្ដានុពលខ្លាំងក៏ដោយ វាក៏ជួបបញ្ហាខ្លះផងដែរ។ ការអនុវត្តត្រូវការជំនាញបច្ចេកទេស និងអ្នកអភិវឌ្ឍន៍ដែលមានបទពិសោធន៍ខ្ពស់ ដែលនេះបានដាក់កម្រិតលើម៉ាកតូចៗក្នុងការចូលប្រើប្រាស់វា។ លើសពីនេះទៅទៀត ការអនុម័តយ៉ាងទូលំទូលាយនៅតែមានកម្រិត ហើយសមត្ថភាពក្នុងការតាមដានខ្សែសង្វាក់ផ្គត់ផ្គង់ពឹងផ្អែកលើឆន្ទៈរបស់អ្នកចូលរួមក្នុងការប្រើប្រាស់ប្រព័ន្ធ blockchain ។

សរុបមក Web3 មានអំណាចក្នុងការធ្វើបដិវត្តន៍ម៉ូដ តន្ត្រី និងកីឡាដោយអនុញ្ញាតឱ្យមានការចូលរួមដោយផ្ទាល់ ខ្សែសង្វាក់ផ្គត់ផ្គង់ប្រកបដោយតម្លាភាព និងការគ្រប់គ្រងលើកម្មសិទ្ធិបញ្ញា។ នៅពេលដែល Web3 វិវឌ្ឍ យើងអាចរំពឹងថានឹងមានការបង្កើតថ្មីបន្ថែមទៀតក្នុងការផ្លាស់ប្តូរឧស្សាហកម្មទាំងនេះ។