កំហុសទីផ្សារខ្លាឃ្មុំទាំង 3 ដែលត្រូវជៀសវាង

ទីផ្សារខ្លាឃ្មុំ ឬ​ bear market ជារយៈពេលនៃការធ្លាក់ចុះទីផ្សារ។ វាអាចជាពេលវេលាដ៏គួរឱ្យភ័យខ្លាចសម្រាប់អ្នកវិនិយោគរូបិយប័ណ្ណគ្រីបតូថ្មី។ នេះជាការពិតជាពិសេសនៅក្នុងទីផ្សារដែលប្រែប្រួលដូចរូបិយប័ណ្ណគ្រីបតូដែលការភ័យខ្លាច និងអារម្មណ៍អាចគ្រប់គ្រង និងប៉ះពាល់ដល់ការសម្រេចចិត្តវិនិយោគបានយ៉ាងឆាប់រហ័ស។ នៅពេលដែលអ្នកវិនិយោគដំបូងឃើញទៀនក្រហម និងការធ្លាក់ចុះនៃតម្លៃ អារម្មណ៍ដំបូងរបស់ពួកគេអាចជាការភ័យស្លន់ស្លោ និងលក់ចោល។

ទោះជាយ៉ាងណាក៏ដោយ វាមានសារៈសំខាន់ក្នុងការចងចាំថាទីផ្សារខ្លាឃ្មុំគឺជាផ្នែកមួយនៃវដ្តរបស់ទីផ្សារ។ ដោយការរក្សាភាពស្ងប់ស្ងាត់ និងធ្វើការសម្រេចចិត្តប្រកបដោយការយល់ដឹង អ្នកជួញដូរអាចជៀសវាងកំហុសទូទៅដែលអាចធ្វើឱ្យស្ថានភាពទីផ្សារកាន់តែអាក្រក់ទៅៗ។

កំហុសទីផ្សារខ្លាឃ្មុំទូទៅទាំង 3

1. ការលក់ភ័យស្លន់ស្លោ – panic selling

ការលក់ការភ័យស្លន់ស្លោកើតឡើងនៅពេលដែលអ្នកជួញដូរលក់ទ្រព្យសម្បត្តិដ៏ច្រើន ជារឿយៗជាប្រតិកម្មភ្លាមៗចំពោះព័ត៌មានមិនល្អ ឬការធ្លាក់ចុះតម្លៃភ្លាមៗ។ ការភ័យស្លន់ស្លោគឺជាការឆ្លើយតបចំពោះគ្រោះថ្នាក់ ហើយអាចបណ្តាលឱ្យមានការសម្រេចចិត្តមិនសមហេតុផល ឬតាមយុទ្ធសាស្ត្រត្រឹមត្រូវនោះទេ។ នេះគឺជាកំហុសទូទៅមួយដែលអ្នកវិនិយោគមិនមានបទពិសោធន៍អាចបង្កើតឡើងនៅពេលដែលទីផ្សារកំពុងធ្លាក់ចុះ។

បញ្ហាដ៏ធំបំផុតជាមួយនឹងការលក់ដោយភ័យស្លន់ស្លោគឺវាពាក់ព័ន្ធនឹងការសម្រេចចិត្តដោយផ្អែកលើអារម្មណ៍ នៅពេលដែលការជួញដូរគ្រីបតូភាគច្រើនគួរតែកើតឡើងបន្ទាប់ពីការស្រាវជ្រាវយ៉ាងយកចិត្តទុកដាក់ជាច្រើនម៉ោង។ ការភ័យខ្លាចអាចនាំឱ្យមានការសម្រេចចិត្តមិនល្អដែលអាចប៉ះពាល់ដល់ការវិនិយោគរបស់អ្នក។

អ្នកវិនិយោគដែលប្រកាន់ខ្ជាប់នូវយុទ្ធសាស្ត្ររបស់ពួកគេ ច្រើនតែផ្តល់ផលច្រើនជាងការលក់ភ័យស្លន់ស្លោ។ នេះមិនមានន័យថាការលក់មិនមែនជាជម្រើសត្រឹមត្រូវនោះទេ ព្រោះនេះអាចការពារអ្នកវិនិយោគពីការខាតបង់បន្ថែមទៀត តែការសម្រេចចិត្តនេះធ្វើឡើងនៅពេលដែលអ្នកច្បាស់ប៉ុណ្ណោះ។

2. សម្ពាធ HODL

“Hold on for Dear Life” គឺជាការតស៊ូរបស់អ្នកវិនិយោគគ្រីបតូមួយចំនួនដែលជឿថាទីផ្សារនឹងបន្តកើនឡើង។ ទោះជាយ៉ាងណាក៏ដោយសម្ពាធចំពោះការ HODL កាក់នៅក្នុងលក្ខខណ្ឌទីផ្សារមិនអំណោយផលអាចគ្រាន់តែជាអារម្មណ៍ដែលជំរុញឱ្យមានការភ័យស្លន់ស្លោក្នុងការលក់។ ប្រសិនបើមានការស្រាវជ្រាវបានត្រឹមត្រូវ ហើយគ្រប់យ៉ាងបង្ហាញថាលក់ នេះគឺជាសញ្ញាដែលមិនគួរ hold ទុកទៀតទេ។

វាគឺជាកំហុសទូទៅមួយសម្រាប់អ្នកជួញដូរដែលដាក់អារម្មណ៍ខ្លាំងពេកជាមួយនឹងការ hold របស់ពួកគេ ហើយមិនអើពើអំពីទីផ្សារ។ ប្រសិនបើមានព័ត៌មានមិនល្អអំពីកាក់ណាមួយ ហើយតម្លៃរបស់វាចាប់ផ្តើមធ្លាក់ចុះ ការ hold ទាំងសង្ឃឹមថាវានឹងងើបឡើងវិញអាចធ្វើប៉ះពាល់ដល់ផលប័ត្ររបស់អ្នកបាន។ អ្នកវិនិយោគគ្រប់រូប សូម្បីតែអ្នកជំនាញក៏ trade មិនបានល្អរាល់ពេលនោះដែរ។ អ្នកវិនិយោគត្រូវតែទទួលយកនៅពេលដែលពួកគេបានធ្វើខុស។